Экран дикторын ведомстволық мекемелердің сайттарына орнату туралы,көру қабілеті нашар адамдарға қажетті жағдайлар жасау мақсатында қазақ тіліндегі сөйлеу синтезі (экран дикторы) жобасын іске асырды.
Облыстар, Астана, Алматы
және Шымкент қалалары
әкімдіктеріне
Экран дикторын ведомстволық мекемелердің
сайттарына орнату туралы
https://screenreader.tilqazyna.kz/Қазақстан Республикасы Ғылым және жоғары білім министрлігінің Тіл саясаты комитеті қазақ тілінің қолданыс аясын кеңейту, соның ішінде көру қабілеті нашар адамдарға қажетті жағдайлар жасау мақсатында қазақ тіліндегі сөйлеу синтезі (экран дикторы) жобасын іске асырды.
Қазақстан Республикасының «Ақпаратқа қол жеткізу туралы» заңының (бұдан әрі – Заң) 16-бабына сәйкес ақпарат иеленушілер интернет-ресурстардың мүгедектігі бар адамдар үшін қолжетімді болуын қамтамасыз етуі тиіс.
Бүгінгі күні сөйлеу синтезі (экран дикторы) орталық атқарушы органдар мен әкімдіктердің сайттарына жүктелгенін хабарлаймыз.
Осы ретте, Заңның 8-бабын басшылыққа ала отырып, жобаның өңірлеріңіздегі мекемелер мен ұйымдардың (барлық салалар бойынша АҚ, ҚБ, РМҚК, КМҚК және т.б. ведомстволық бағынысты ұйымдар) сайттарына орналастырылуын қамтамасыз етуді сұраймыз.
Жобаны жүктеу, орнату, қолдану нұсқаулығы және дауыс үлгілері https://screenreader.tilqazyna.kz/ сайтында қолжетімді. Экран дикторын орнатуда сұрақтар туындаған жағдайда 8(708)5430672 нөміріне хабарласуды сұраймыз.
Жүргізілген жұмыс туралы ақпаратты 2024 жылғы 30 тамызға дейін қосымшадағы кестеге сәйкес ұсынуды сұраймыз.
Вице-министр Д. Щеглова
Орынд.: Ә. Қашқынбек
Тел.: 740523, 8(700)1445946